Ички иштер министрлигинин Күзөт кызматынын башчысы А.Т.А. кол алдындагы кызматкерлерден системалуу түрдө пара алган деген шек менен кармалды. Бул тууралуу УКМК билдирди.

Маалыматка ылайык, аталган башчы 2024-жылдан тарта Балыкчы шаарынын күзөт бөлүмүнүн кызматкерлеринен ушул эле бөлүмдүн башчысы Д.Т.И. жана башка аффилирленген жак аркылуу мыйзамсыз акча чогултуу менен алектенип келгени аныкталган.

“Акча чогултуу милиция кызматкерлеринин жумуш убактысынан тышкары ар кандай объектилерди кайтаруу боюнча эмгек ишмердүүлүгүн камсыз кылуу үчүн төлөм катары ишке ашырылган”,- деп билдирди атайын кызмат.

Учурда бул кылмышка тиешеси бар ИИМинин башка кызмат адамдарын аныктоо жана тергөө иштери жүрүп жатат.