ИИМдин Күзөт кызматы кирип келе жаткан 2023-жылды тосуу мезгилиндеги коомдук тартипти камсыз кылуу максатында күчөтүлгөн тартипте иш алып барат. Бул тууралуу министрликтен билдиришти.
«Жаңы 2023-жылды тосуу мезгилиндеги коомдук тартипти камсыз кылуу, Ички иштер министрлиги тарабынан берилген буйруктарды мыйзам чегинде так аткарып, жаңы жылдык майрамдык иш-чаралар учурунда кылмыштуулукка, укук бузууларга жол бербөө максатында өздүк курамдын даярдыгы каралып, ар бирине коюлган тапшырмалары аныкталып, тиешелүү буйруктар менен тааныштырылды», — деп айтылат маалыматта.
Ошондой эле, ИИМдин Күзөт кызматынын кайтаруусунда турган маанилүү, өзгөчө маанилүү жана олуттуу стратегиялык мекеме-чарбалар жана административдик имараттарга өзгөчө көңүл бурулуп, жалпы республика боюнча 3 миңден ашуун кызматкер коопсуздукту камсыздайт.
Биздин Телеграм каналга катталыңыз
