Башкы прокуратура ишкерлерге мыйзамсыз айып пул салган 25 салык кызматкери жазаланганын билдирди.

Маалыматта айтылгандай, Башкы прокуратура Салык кызматынын, ошондой эле Бишкек шаарынын жана Чүй облусунун аймактык салык органдарынын ишмердүүлүгүн текшерген.

Жыйынтыгында салык инспекторлору ишкерлерге 5 000 сомдон 13 000 сомго чейинки өлчөмдө айып пулдарды мыйзамсыз түрдө салышкандыгы белгилүү болгон. Прокуратура мыйзам боюнча бул бузуулар үчүн жазалоо чарасы катары айып салуу эмес, эскертүү гана каралганын билдирди.

Мындан улам мыйзамсыз чыгарылган токтомдор жокко чыгарылып, 25 салык кызматкерге ар бирине 10 000 сом өлчөмүндө айып пул салынган.