Кыргызстан боюнча 90 миң ишкер салыктан бошотулат. Бул туурасында Министрлер кабинетинин төрага орун басары Арзыбек Кожошев парламенттин комитет жыйынында билдирди.

Анын айтымында, жылдык кирешеси 8 млн. сомго жетпеген 90 ишкерди толугу менен салыктан бошотуп, кассалык аппартка өткөрүүнү пландоодо. Бул салыктан бошотуу менен бюджетке 3 млрд сом жылына түшпөй калууда. Мындай аракет менен көмүскө экономиканын көлөмүн кыскартууну көздөп жатышат.

Президент Садыр Жапаров өткөндө жылдык кирешеси 8 млн сомго жетпеген ишкерлерди толугу менен салыктан бошоткон жарлыкка кол койгон. Эми бул жарлыкты ишке аткаруу үчүн Министрлер кабинети мыйзам долбоорлорун иштеп чыгууда. Жакынкы күндөрү парламенттин кароосуна алып келээрин билдиришүүдө.