Чүйдүн Кара-Балта шаарынын четинен курал-жарак жана ок-дарылар катылган жай аныкталды. Бул тууралуу Улуттук коопсуздук мамлекеттик комитети билдирди.

Издөө иштеринин натыйжасында бир даана АК-74 автоматы, маркасы тактала элек төрт тапанча, Шпагиндин сигналдык тапанчасы, 7,62 мм калибрдеги ок-дарылар, жылмакай стволдуу куралга арналган октор жана калибри тактала элек башка ок-дарылар табылып алынган.

Атайын кызмат учурда аталган жайды уюштурууга тиешеси бар адамдарды аныктоо боюнча иш-чаралар улантылып жатканын билдирди.