Президент Садыр Жапаров Кара-Көл шаарындагы ГЭСтин ачылышына катышып, жергиликтүү тургундар менен жолугушту.

Жолугушууда бир аксакал шаардагы турак жай маселесин көтөрүп, 1960-жылдары салынган көп кабаттуу үйлөрдүн эскиргенин айтты. Ал мамлекеттик ипотекалык үйлөрдүн Кара-Көлдө да курулушун күтүп жатканын билдирди.

Президент өз кезегинде 5 жана 9 кабаттуу жаңы үйлөр 10 гектар жерге куруларын, курулуш иштери келерки жылы жазында башталарын, тургундар болсо 1–2 жыл ичинде жаңы батирлерге көчөрүн айтты.