Бишкек шаарынын Муниципалдык инспекциясынын башчысы Мирлан Таалайбековду (Царикаев) сабаган жарандар СИЗО-1ге киргизилди. Бул тууралуу Бишкектин Ленин райондук ИИБи билдирди.

Маалыматка ылайык, Ленин райондук сотунун чечими менен 3 шектүү эки айга, ал эми бирөө 2 жумага камакка алынган.

Эске салсак, 25-октябрда Бишкекте Алыкулов жана Өмүр көчөлөрүнүн кесилишинде 4 адам Царикаевдин унаасын сүзүп, андан кийин өзүн сабап кетишкен. Бул факты боюнча Кылмыш-жаза кодексинин «Ээнбаштык» беренеси менен иш козголуп, 27 жаштагы Ж.А., С.А., Э.А. жана С.Э. кармалган.