Бүгүн, 10-декабрда, Ысык-Көл облусундагы Каракол-Эңилчек унаа жолуна кар көчкү түшүп, жол убактылуу жабылды. Бул тууралуу Транспорт министрлиги билдирди.

Көчкү жолдун 76-81-82-чакырымдар аралыгына 6 жерден түшкөн. Азыркы тапта аймакты караган №11 Жол тейлөө ишканасы тарабынан тазалоо иштери жүрүп жатат. Кошумча маалымат берилет.

Мындан тышкары Каракол-Эңилчек унаа жолунун Чоң-Ашуу ашуусунда бороон болууда.

Министрлик тоолуу аймактар жана ашуулар аркылуу жол тарта турган айдоочуларды жол эрежелерин так сактоого чакырды.