Социалдык тармактарда Ысык-Көл облусунун Каракол шаарындагы мектептердин биринде тартылган видео тарады. Анда окуучу баланын классташ кызды уруп, тепкилеп жатканын көрүүгө болот.

Ысык-Көл облустук ички иштер башкармалыгынын маалыматына ылайык, милицияга 28-сентябрда арыз түшкөн. Арыз ээси — жабыркаган кыздын чоң энеси. Ал небересин Караколдогу №2 мектепте танапис учурунда классташ баласы сабап салганын билдирген.

Учурда бул факты боюнча иликтөө иштери жүрүп жатат.