Бишкек – Ош унаа жолу толугу менен жабык. Бул тууралуу Жол кыймылынын коопсуздугун камсыздоо башкы башкармалыгы билдирди.

Башкармалык айдоочулардан зарыл болбосо, жолго чыкпай турууну, унаанын дөңгөлөктөрүн кышкыга алмаштырууну суранат.

“Учурда Бишкек – Ош унаа жолунун тоолуу аймактарында кар калың жаагандыгына байланыштуу “Чычкан”, “Сосновка” көзөмөл өткөрмө жайларында унаалар кыймылына чектөөлөр киргизилди”, – деп айтылат маалыматта.

Азыркы тапта жолдорду кардан тазалоо иштери жүрүүдө.