Казакстан өз атуулдарын эвакуациялоо үчүн жана каза болгон жарандарынын сөөгүн алып кетүү үчүн Ош облусуна учак жөнөттү. Аталган учак менен селден жабыркаган кыргызстандык жарандарга 2,7 тонна азык-түлүк түрүндөгү гуманитардык жардам жеткирилди. Бул тууралуу казакстандык басылмалар жазды.

Учак менен казакстандык куткаруучулар, дарыгерлер жана психологдор келген.

Эскерте кетсек, 28-июнда Ош облусунун Ноокат районунда катуу жааган жаандан улам сел жүргөн. Селдин айынан 9 адамдын, анын ичинде кичинекей балдардын өмүрү кыйылган. Каза болгондордун арасында Казакстандын 4 жараны бар экени, алар жаш балдар болгону маалым.