Казакстан менен Өзбекстан атомдук энергия тармагында кызматташууну бекемдөөдө. Бул тууралуу өзбекстандык “Узатом” агенттиги билдирди.

Маалыматка ылайык, 18-августта Ташкентте Казакстан менен Өзбекстандын делегацияларынын жумушчу жолугушуусу болуп өткөн.

Жолугушууда коопсуздукка, сейсмикалык туруктуулукка жана экологиялык маселелерге басым жасоо менен атомдук энергетика тармагындагы эки тараптуу кызматташуунун негизги багыттары каралган.

Мындан тышкары, эки өлкөнүн өкүлдөрү атом тармагы үчүн адистерди даярдоо багытында тажрыйба алмашуу, анын ичинде биргелешкен билим берүү программаларын түзүү маселесин талкуулашкан.