Улуттук коопсуздук боюнча мамлекеттик комитети Айыл чарба министрлигиндеги коррупциялык иштерди иликтөөдө ири мыйзам бузуу фактыларын аныктады.

Маалыматка ылайык, 2025-жылдын июлунда киргизилген экспорттук квоталар министрликтин айрым жетекчилери тарабынан “өз кишилерине” мыйзамсыз берилген. Керектүү документтер райондук ветеринардык башкармалыктардын кызматкерлери тарабынан жасалма түрдө толтурулган.

Ортомчу ишкерлер квоталарды дыйкандарга 1 баш бодо мал үчүн 300 доллардан, майда жандык үчүн 5 миң сомдон сатып келишкен. Натыйжада эттин баасы көтөрүлгөн.

Бул факт боюнча кылмыш иши козголуп, бир катар министрлик кызматкерлери жана ортомчулар кармалды.