Казакстандан Кыргызстанга ташылып келе жаткан 22 тонна сабиз жана 22 тонна кызылча кайра артка кайтарылды. Бул тууралуу Айыл чарба министрлиги билдирди.

Маалыматка ылайык, “Ак-Тилек” өткөрүү пунктуна жакын жайгашкан “Жыйынды постунда” карантиндик фитосанитардык текшерүү жүргүзүлүп, жыйынтыгында аталган жүктүн тиешелүү фитосанитардык сертификаты жок экендиги аныкталган.

“ЕАЭБдин бажы аймагында карантиндик фитосанитардык көзөмөл жүргүзүү тартиби жөнүндө жобонун талаптарына ылайык, фитосанитардык тобокелдиги жогору продукция болгондуктан, жүк жөнөтүүчүгө кайра кайтарылды”,- деп билдирди министрлик.