Казакстандын Шымкент шаарындагы мечиттердин биринде намаз учурунда мушташ чыкты. Анын видеосу социалдык тармакка жарыяланды.

Анда намаз учурунда бир киши бир катарда турган мусулманды оозго бир коюп, андан ары экөө төбөлөшө кеткенин көрүүгө болот. Мечиттеги кишилер экөөнү ажыратканга киришет.

Казакстандын муфтиятынын маалыматында, окуя 12-майда болгон. Анда башка аймактан келген кишилер бир нече күн бою мечиттин тынчтыгын жана тартибин бузуп келген.

“Алар намазды башкача окуп, имамдын эскертүүсүнө көңүл бөлүшкөн эмес. Ал күнү дагы намаз учурунда “оомин” деп үнүн чыгарып айтканда, башка мусулман ага кол көтөргөн. Имам намазды токтотууга аргасыз болгон. Окуя болгон жерге полиция чакырылган”, – дейт муфтият.

Биздин Телеграм каналга катталыңыз