Америкалык ырчы Николь Шерзингер Бишкектеги VI Дүйнөлүк көчмөндөр оюндарынын ачылыш аземинде өнөрүн тартуулайт. Бул тууралуу Президенттин иш башкаруучусу Каныбек Туманбаев билдирди.

Шерзингер дүйнөгө The Pussycat Dolls тобунун солисти катары таанылган. Анын белгилүү хит ырларынын катарында «Don’t Cha», «Buttons» жана «When I Grow Up» бар.

Ачылыш аземинин концерттик программасына ошондой эле кыргыз эстрада жылдыздары да катышат. VI Дүйнөлүк көчмөндөр оюндарынын расмий ачылышы 31-августта «Бишкек Аренада» өтөт.

Reporter.kg — VI Дүйнөлүк көчмөндөр оюндарынын расмий маалыматтык демөөрчүсү.