«Чалдыбар автожолу» постунда Казакстандан келген 23 тонна 800 кг күрүч фитосанитардык текшерүүгө алынып, анын жыйынтыгында жүк кайра артка жөнөтүлдү. Айыл чарба министрлигинин маалыматында, аталган продукциянын таңгагында маркировка жоктугу аныкталган.

Евразия экономикалык комиссиясынын №157 чечимине ылайык, ар бир таңгакта продукциянын аталышы, чыгарылган жана экспорттогон өлкө тууралуу маалыматтар жазылышы шарт.

Министрлик маркировкасы жок жүктү алып кирүү ЕАЭБдин бирдиктүү фитосанитардык талаптарын бузуу болуп саналарын эскертти.