Кыргыз Республикасына расмий сапар менен келген Казакстандын президенти Касым-Жомарт Токаев «Ата-Бейит» тарыхый-мемориалдык комплексине барды. Бул тууралуу Өкмөттүн маалымат кызматы кабарлады.

Мемориалга Токаевди Министрлер Кабинетинин төрагасы – президенттин Администрациясынын жетекчиси Адылбек Касымалиев коштоп барды.

Казакстандын лидери 1916-жылдагы каргашалуу окуяларда курман болгондордун мемориалына жана кыргыздын улуу жазуучусу Чыңгыз Айтматовдун эстелигине гүлчамбар коюп, эскерүү аземине катышты.