Курулуш, архитектура жана турак жай-коммуналдык чарба министрлигине караштуу Шаар куруу жана архитектура департаментинин Ат-Башы райондук башкармалыгы туристтик лагердин эскиздик долбоорун даярдады.

Лагерь Нарын облусунун Ат-Башы районундагы Көк-Кыя өрөөнүндө, Кел-Суу көлүнүн жээгинде жайгашат.

Долбоорго ылайык, этно шаарча, заманбап мейманкана, унаа токтотуучу жай, оюн аянтчалары, ат минуучу аянтча жана башка эс алуу объекттери курулат.

Министрликтин маалыматына караганда, долбоордун негизги максаты — Кел-Суудагы туристтик лагерди иретке келтирүү жана эс алуучу кызмат көрсөтүү.