«Хизбут-Тахрир» диний экстремисттик уюмунун ячейкаларынын биринин лидери болгон 39 жаштагы жаран кармалды. Бул тууралуу УКМК билдирди.

Маалыматка ылайык, аталган жаран экстремисттик идеологияны жайылткан жана жаңы тарапташтарды тартуу менен алектенген. Ошондой эле ал мурда экстремисттик ишмердиги үчүн кылмыш жоопкерчилигине тартылганы аныкталган.

Анын жашаган жерин тинтүү учурунда экстремисттик мүнөздөгү диний адабияттар алынган.

Кармалган жаран УКМКнын тергөө абагына киргизилген. Учурда уюмдун башка мүчөлөрүн аныктоо боюнча ыкчам-тергөө иш-чаралары жүргүзүлүүдө.