22-сентябрда тарта борбор калаадагы Фучик көчөсүнүн Дэн Сяопин проспектисинен “Аска-Таш” конушуна чейинки бөлүгү оңдоо иштерине байланыштуу убактылуу жабылат. Бул тууралуу Бишкек мэриясы кабарлады.

Мындан улам төмөнкү каттамдардын схемасы убактылуу өзгөртүлдү: №120-М, №133, №161, №173, №185, №13, №35, №153, №243. Өзгөртүлгөн каттамдарды бул тизмеден көрүүгө болот.

Мэрия жарандардан бул убактылуу ыңгайсыздыкка түшүнүү менен мамиле кылып, каттамдарды алдын ала пландаштырып, мүмкүн болушунча коомдук транспортту колдонууну суранды.