Өзгөчө кырдаалдар министрлиги 24-25-сентябрда Кыргызстанда үшүк жүрүшү мүмкүн экенин кабарлады.

Кыргызгидромет кызматынын маалыматына ылайык, түнкүсүн жана эртең менен Ысык-Көл, Нарын облустарынын дыйканчылык аймактарында жана Чүй облусунун тоо этектеринде аба ырайы 0…-2°ка чейин төмөндөйт.

Мындай аба ырайы мөмө-жемиштерге, жашылчаларга, казылып алынган жана жабылбаган картошка менен кант кызылчасына коркунуч жаратат.

Адистер дыйканчылык талааларындагы түшүмдү үшүккө чейин жылуу жайда сактоону жана үшүк өткөндөн кийин жыйноону сунушташат.