Бүгүн, 29-сентябрда, Азия оюндарында кыргызстандык спортчу Кубанычбек Айбек уулу кураш боюнча мелдеште коло медаль жеңди. Ал 66 килограммга чейинки салмак категориясында күч сынашты. Бул тууралуу Дене тарбия жана спорт агенттиги билдирди.

Кыргызстандык спортчу алгачкы беттешинде ооганстандык Чекмар Меражуддинди 3:0 эсебинде, чейрек финалда Түштүк Кореянын өкүлү Юн Хуенсуну 10:0 эсебинде жеңген.

Жарым финалдык беттеште Кубанычбек Айбек уулу ирандык Вахид Бариманлоуго 0:3 эсебинде утулуп, жыйынтыгында үчүнчү орунду ээледи.