Нарын облусунун Жумгал районунда жергиликтүү тургундар Дыйкан айылынын жанына боз үй тигип, жолду жарым-жартылай жаап салышты. Нааразылык акциясы жекшемби күнү, 12-декабрда болгон.

Түндүк-Түштүк альтернативалык жолунун курулушунун башталышына эл нааразычылыгын билдиришүүдө. Алар жол куруп жаткан компания жолго суу сеппей жатат, андан улам жакынкы айылдарда чаң ызгып, жарандар дем ала албай жатышат.

Акция болгон жерге милиция кызматкерлери жана жергиликтүү бийлик өкүлдөрү келишкен. Сүйлөшүүлөрдөн кийин  компания жолго суу себүүгө макул болушту. Айтымдарында, сүйлөшүүлөр бүгүн да уланат.