Кочкор районунда жол кырсыктан 7 киши ар кандай жаракаттарды алышты. Бул тууралуу Өзгөчө кырдаалдар министрлигинин маалымат кызматынан билдиришти.

Кырсык Сары-Булак-Орук-Там унаа жолунун 23-чакырымында (Лахол айылы) катталган, анда “Subaru Forester” жана “Нива” үлгүсүндөгү унаалары сүзүшкөн. Жабыркагандардын аты-жөнү такталууда.

Куткаруучулар жабыркаган жарандарды унаадан чыгарып, тез жардам кызматына өткөрүп беришкен. Куткаруу иштерине Кочкор райондук №42 өрт куткаруу бөлүгүнөн 5 куткаруучу тартылган.