Кыргызстандык суучул Владислав Шулико Ысык-Көлдү туурасынан сүзүп, дүйнөлүк рекорд койду. Сууда сүзүүчү 181 чакырымды басып өттү.

Владислав Шулико сууга сүзүүнү 22 -августта таңкы саат 7.30да баштап, бүгүн, 27 -августта Балыкчыдан аяктады.

Сууда сүзүүнүн үчүнчү күнү ал үчүн эң кыйын болду. Абанын температурасы төмөндөдү, катуу шамал болду.

Шуликонун коопсуздугун камсыздоо үчүн облустук Өзгөчө кырдаалдар башкармалыгын кызматкерлери кайыктар менен коштоп жүрүштү.

Ысык-Көлдүн узундугу 182, туурасы 58 чакырым. Эң терең жери 702 метр.

Владислав Шулико бир катар эл аралык таймаштарга катышып, байгелүү орундарды ээлеген.