Канат Сагынбаев эмгек, социалдык камсыздоо жана миграция министри кызматынан бошотулду. Тиешелүү жарлыкка өлкө башчы Садыр Жапаров кол койду. Бул тууралуу бүгүн, 7-сентябрда, президенттин басма сөз кызматы билдирди.

Президенттин дагы бир жарлыгы менен Алмаз Имангазиев эмгек, социалдык камсыздоо жана миграция министринин милдетин аткаруучу болуп дайындалды. Анын талапкерлиги Жогорку Кеңешке макулдашуу үчүн киргизилет.

Алмаз Имангазиев буга чейин Кыргызстандын тышкы иштер министринин орун басары кызматында иштеп келген.