Белгилүү UFC мушкери Конор Макгрегор Ирландиянын президенттигине талапкерлигин коёрун жарыялады. Макгрегор учурдагы өкмөттүн 200 күндөн бери түзүлө албай жатканы элдин тынчтыгын жана келечекке болгон ишенимин солгундатып койгонун белгиледи.

«Бул убакта калктын жашоо көрсөткүчү төмөндөп, айрыкча үй-жайсыз калгандардын саны абдан көбөйдү. Мен президент болсом, элдин үнү угулат, конституциядагы маанилүү беренелер өз калыбына келет», — деди Макгрегор.

Белгилей кетсек, бюллетенге кирүү үчүн мушкерге кеминде 20 депутаттын же төрт жергиликтүү же округдук кеңештин колдоосу керек.