Баткен облусунун Кожом-Булак аймагынан Тажикстанды көздөй мыйзамсыз жүк ташып бара жаткан киши колго түштү. Бул туурасында Улуттук коопсуздук кызматынын Чек ара кызматынын маалымат кызматы билдирүү таратты.

Чек ара кызматкерлер Hyundai-Porter унаасы менен чек араны кезип өтүүгө аракет кылып жаткан жеринен 1985-жылы туулган Кыргызстандын жаранын колго түшүргөн. Анын унаасын текшерген маалда, 2 миң даана кутуча “Jaguar”энергетик суусундугун жүктөп бара жатканы аныкталган.

Ошол эле күнү дагы бир контрабанданын жолу аныкталган. Ушул эле облустун Мазар аймагынан 240 литр күйүүчү май жүктөп Тажикстанга алып бара жаткан жеринен чекарачылардын кылтагына илинген.
Учурда эки иш боюнча мыйзамсыз жүктөр алынып, тийиштүү мамлекеттик органдарга берилген.