Жогорку Кеңештин депутаты Дастан Бекешев өзүнүн Telegram-каналында мопеддер менен скутерлерди каттоо маселеси тууралуу билдирди. Август айында эл өкүлү Министрлер кабинетинин төрагасы Адылбек Касымалиевге аталган транспорт каражаттарын мыйзамдаштыруу (легализациялоо) жараянын баштоо сунушу менен кат жөнөткөн.

Мыйзамга ылайык, ээлери транспортту каттоого коюуга милдеттүү, бирок чет өлкөдөн ташылып келген мопеддер менен скутерлерге жарандардын документтери жана бажы декларациялары жок болгондуктан, бул талаптарды аткаруу мүмкүн эмес болууда. Натыйжада техниканын ээлери аны мыйзамдуу түрдө каттата албай жатышат.

ИИМ депутаттын суроо-талабына жооп кайтарганы менен, көйгөйдү чечүүнүн конкреттүү механизмдерин азырынча сунуштай элек. Бекешев транспорт каражаттарын мыйзамдуу каттоо үчүн тиешелүү шарттарды түзүүгө жетишүүнү көздөп жатат.