.svg){kind=logo}
Садыр Жапаров Маданият жана искусство университетинин жаңы корпусун ачтыКыз ак калпакты өрттөп, тойлордо белек берүү салтынан баш тартууга чакырдыБишкекте СТО жайгашкан имараттагы өрттөн бир адам каза болдуСом түштүк корея вонуна карата бекемделип, британ фунтуна карата алсырадыПРООН киберкылмыштуулук менен күрөшүүчү адистерди даярдоого жардам беретЖети-Өгүз районунда жетим балага үй куруу үчүн жер тилкеси берилди
КР Саламаттык сактоо министри инфаркт алган 87 жаштагы бейтаптын өмүрүн сактап калууга жардам берди
15.08.2026 | 11:10
Кыргызстандын саламаттык сактоо министри Дамир Осмонов миокарддын курч инфаркты менен түшкөн 87 жаштагы бейтапка жеке өзү стенттөө жүргүздү (стент койду). Бул тууралуу Саламаттык сактоо министрлигинин басма сөз борборунан билдиришти.
Мекеменин маалыматы боюнча, 14-августта Осмонов Улуттук кардиология жана терапия борборунун кардиохирургия бөлүмүндөгү оңдоо иштеринин жүрүшү менен пландан тышкары таанышып жаткан маалда, ал жакка улгайган аял шашылыш түрдө алынып келинген.
Бейтап өтө оор абалда келип түшкөн жана тез арада жогорку технологиялык медициналык жардамга муктаж болгон.
Министр дарылоону уюштуруу ишине кошулуп, инфарктка себеп болгон коронардык артерияга жеке өзү стент коюу операциясын жасаган.
Саламаттык сактоо министрлигинен белгилешкендей, бейтапка стенттөө миокарддын курч инфаркты учурунда жардам көрсөтүү боюнча «ОИМ 24/7» программасынын алкагында акысыз жасалды.
