Кыргыз Республикасынын Күрөш федерациясынын президентинин буйругуна ылайык, Адиев Миржигит Замирбекович улуттук курама командасынын жетекчиси болуп дайындалды.

Федерациянын маалыматына ылайык, Миржигит Замирбек уулу жогорку юридикалык билимге ээ, эркин күрөш боюнча спорт чебери. Ал спорттук чөйрөдө чоң тажрыйбанын ээси, ошондой эле бардык күрөш түрлөрү боюнча улуттук командаларды өнүктүрүүгө жана бекемдөөгө чоң салым кошору күтүлүүдө.

“Федерация анын жетекчилиги менен улуттук курама командалар жаңы бийиктиктерге жана эл аралык ареналарда жеңиштерге жетишет деп терең ишеним артууда”,-деп айтылат маалыматта.