Жогорку Кеңештин 17-сентябрдагы жыйынында Кыргызстан менен Кувейт араб экономикалык өнүктүрүү фондунун ортосундагы гранттык макулдашууну ратификациялоо тууралуу мыйзам долбоору үч окууда кабыл алынды.

Макулдашууда Чүй, Ысык-Көл жана Нарын облустарындагы 68 айылды суу менен камсыздоо жана саркынды сууларды чыгарууну өнүктүрүү долбоорун иштеп чыгууну жана техникалык-экономикалык негиздемесин даярдоону каржылоо каралган.

Макулдашууга 2025-жылдын 4-апрелинде Бишкек шаарында кол коюлган.