Бүгүн Хорватиянын Загреб шаарында өткөн эркин күрөш боюнча дүйнө чемпионатына катышкан Кыргызстандын улуттук курама командасы Бишкекке кайтып келди.

Дене тарбия жана спорт мамлекеттик агенттигинин маалыматына ылайык, спортчуларды “Манас” эл аралык аэропортунда спорттун олимпиадалык түрлөрү боюнча дирекциясынын директору Мелис Тобокелов, жакындары жана күйөрмандары тосуп алды.