Кыргызгидромет март айына карата Кыргызстанда аба ырайынын болжолун жарыялады. Абанын айлык орточо температурасы жана жаан-чачындын айлык көлөмү климаттык нормага жакын болушу күтүлөт.
Чүй облусунда
Абанын айлык орточо температурасы климаттык нормадан жогору болуп, абанын температурасы түнкүсүн -1…-6дан 4…9га чейин, күндүз 8…13төн 19…24кө чейин жылыйт. Кээ бир күндөрү 0…5 градуска төмөндөшү мүмкүн.
Кемин өрөөнүндө жана тоо этектериндеги райондордо абанын температурасы түнкүсүн -3…-8ден -2…-+3кө чейин, күндүз 2…7ден 11…16 градуска чейин өзгөрөт. Кээ бир күндөрү 0…-5ке чейин төмөндөшү мүмкүн. Жаан-чачындын айлык көлөмү нормага жакын болот.
Талас облусунда
Абанын айлык орточо температурасы климаттык нормадан жогору болуп, 2…4 градус болушу күтүлөт.
Абанын температурасы түнкүсүн -3…-8ден 2…7ге чейин, күндүз 7…12ден 16…21ге чейин жылыйт. Кээ бир күндөрү 0…5ке чейин төмөндөшү мүмкүн. Жаан-чачындын айлык көлөмү нормага жакын болушу күтүлөт.
Ош облусунда
Абанын айлык орточо температурасы климаттык нормадан жогору болуп, 6…8, тоо этектериндеги райондордо 4…6 градус жылуу болушу күтүлөт.
Абанын температурасы түнкүсүн -2…+3төн 5…10го чейин, күндүз 9…14төн 20…25ке чейин жогорулашы мүмкүн. Кээ бир күндөрү 1…6 градуска чейин төмөндөшү мүмкүн.
Тоо этектериндеги райондордо ай ичинде абанын температурасы түнкүсүн -2…-7ден 3…8ге чейин, күндүз +6…+11ден +15…+20га чейин жылыйт. Кээ бир күндөрү 0…5 градуска чейин төмөндөйт.
Жаан-чачындын айлык көлөмү нормага жакын болот (өрөөндөрдө 53-91 мм, тоо этектериндеги райондордо 50-56 мм).
Жалал-Абад облусунда
Абанын айлык орточо температурасы климаттык нормадан жогору болуп, 6…8, тоо этектериндеги райондордо 4…6 градус жылуу болушу күтүлөт.
Абанын температурасы түнкүсүн -2…+3төн 5…10го чейин, күндүз 9…14төн 20…25ке чейин жогорулайт. Кээ бир күндөрү 1…6га чейин төмөндөйт.
Тоо этектериндеги райондордо ай ичинде абанын температурасы түнкүсүн -2…-7ден 3…8ге чейин, күндүз 6…11ден 15…20га чейин өзгөрөт. Кээ бир күндөрү 0…5 градуска чейин төмөндөшү мүмкүн.
Токтогул районунда ай ичинде абанын температурасы түнкүсүн -3…+2ден 3…8ге чейин, күндүз 5…10дон 13…18ге чейин өзгөрүлүп турат.
Баткен облусунда
Абанын айлык орточо температурасы климаттык нормадан жогору болуп, 6…8, тоо этектериндеги райондордо 4…6 градус жылуу болот.
Абанын температурасы түнкүсүн -2…+3төн 5…10го чейин, күндүз 9…14төн 20…25ке чейин өзгөрөт. Кээ бир күндөрү 1…6 градуска төмөндөшү мүмкүн.
Тоо этектериндеги райондордо ай ичинде абанын температурасы түнкүсүн -2…-7ден 3…8ге чейин, күндүз 6…11ден 15…20га чейин өзгөрүлүп турат. Кээ бир күндөрү 0…5ке чейин төмөндөйт.
Жаан-чачындын айлык көлөмү нормага жакын болот (өрөөндөрдө 25-27 мм, тоо этектериндеги райондордо 68-70 мм).
Ысык-Көл облусунда
Абанын айлык орточо температурасы климаттык нормадан 1…1,5ке жогору болуп, 1…3 градус жылуу болушу күтүлөт.
Абанын температурасы түнкүсүн -2…-7ден 1…6га чейин, күндүз абанын температурасы 2…7ден 10…15ке чейин өзгөрүлүп турушу мүмкүн.
Жаан-чачындын айлык көлөмү нормага жакын болот.
Нарын облусунда
Абанын айлык орточо температурасы климаттык нормадан 1…1,5га жогору болуп, 0…-2 градус суук, Кочкор районунда 0…2 болушу күтүлөт.
Абанын температурасы түнкүсүн 0…-5тен -7…-12ге чейин, күндүз 2…7ден 10…15ке чейин өзгөрүлүп турат.
Жаан-чачындын айлык көлөмү нормага жакын болушу күтүлөт.
Бардык жаңылыктар Телеграм каналда
