«Кыргыз Петролеум Компани» ЖАКы АИ-80 бензининен АИ-92 маркасындагы бензинди өндүрүү үчүн колдонула турган компоненттерди сатып алууга тендер жарыялады.

Тиешелүү кулактандыруу мамлекеттик сатып алуулар порталына жарыяланды. Продукциянын бир тоннасын сатып алууга 125 млн сом багыттоо пландалууда.

Билдирмелерди кабыл алуу 17-июлга чейин созулат. Документацияда жүз пайыздык алдын ала төлөө мүмкүнчүлүгү да каралган.

Жеткирүүчүлөр конкурстук билдирмелер ачылганга чейин тендердик комиссиянын талаптарына шайкештигин тастыктоо үчүн продукциянын үлгүсүн бериши керек. Мындан тышкары, катышуучулардын суммасы 50 млн сомдон кем эмес ушундай эле эки келишимди аткаруу тажрыйбасы болушу шарт.

Буга чейин Министрлер кабинети күйүүчү-майлоочу майлардын баасын убактылуу мамлекеттик жөнгө салууну жана күйүүчү майды импорттоочуларды жана сатуучуларды субсидиялоо механизмин киргизген. Бул чаралар Кыргызстанда АИ-95 маркасындагы бензиндин таңсыктыгынан улам кабыл алынган.