Бишкек мэриясы муниципалдык түзүмдөрдүн кызматкерлеринин арасында велосипед маданиятын өнүктүрүү демилгесин ишке киргизди. Кызматкерлерге жумушка барып-келүү үчүн велосипедди колдонуу сунушталууда.

Муниципалитеттен билдиришкендей, долбоорго катышуу ыктыярдуу түрдө жүргүзүлөт. Ага мэриянын түзүмдүк жана аймактык бөлүмдөрүнүн, ошондой эле муниципалдык ишканалардын жана мекемелердин кызматкерлери кошула алышат.

Бул демилге велосипедди толук кандуу шаардык транспорт катары жайылтууга, жол тармагындагы жүктөмдү азайтууга, экологиялык абалды жакшыртууга жана сергек жашоо образын илгерилетүүгө багытталган.

Эң активдүү катышуучулар мэриянын расмий маалымат ресурстарында белгиленип, чейректин жана жылдын жыйынтыгы менен сыйланып турушат. Бийлик өкүлдөрү велосипедди колдонууда жол кыймылынын эрежелерин милдеттүү түрдө сактоо керектигин баса белгилешти.