Кыргызстан 2030-жылга чейин эң мыкты 30 өлкөнүн катарына кирүүнү пландайт. Бул тууралуу президент Садыр Жапаров Элдик курултайда билдирди.
Ал 2021-жылы кабыл алынган 2026-жылга чейин өнүктүрүүнүн улуттук программасы акыркы 2 жылда аталган натыйжалуулугун көрсөтө баштаганын айтты.
Садыр Жапаров тышкы саясатта Кытай жана Россия менен диалогду тереңдетүү, ошондой эле Европа Бирлиги, АКШ жана башка өлкөлөр менен мамилелерди андан ары өнүктүрүүнү улантарын белгиледи.
«Германия, Бириккен Араб Эмираттары, Япония жана Корея сыяктуу дүйнөнүн алдыңкы өлкөлөрү менен кызматташуу күч алууда. Бул – туура түзүлгөн, мындан ары да өркүндөтүлө турган эл аралык саясаттын далили. Дүйнөнүн бир бөлүгү катары биздин бардык өнүгүү пландарыбыз эл аралык геосаясий кырдаалга багыт алуу менен түзүлүшү керектигин баса белгилейм», — дейт ал.
Биздин Телеграм каналга катталыңыз
