Министрлер кабинети Кыргызстандын Борбордук Азиядагы кургактык транспорттук байланыштарды чыңдоо жөнүндө макулдашууга кошулуусу тууралуу чечим кабыл алды. Демилге эл аралык жүк ташууларды өнүктүрүүгө, жергиликтүү ташуучулар үчүн жагымдуу шарттарды түзүүгө жана транспорттук кызмат көрсөтүү рыногунда аймактын атаандаштыкка жөндөмдүүлүгүн жогорулатууга багытталган.

Тышкы иштер министрлигине макулдашуунун депозитарийи катары Тажикстанга кошулуу жөнүндө расмий билдирүү жөнөтүү тапшырылды. Документ расмий жарыялангандан кийин эки жумадан соң күчүнө кирет.