Кыргызстандын жарандары үчүн Омандын борбору Маскат шаары аркылуу Сауд Арабиясынын Жидда жана Медина шаарларына авиакаттамдар жүргүзүлө баштады. Бул тууралуу «Кыргызстан аэропорттору» ААКы билдирди.

Маалыматка ылайык, учактар Бишкек жана Ош шаарларынан учушат. Каттамдардын графиги төмөндөгүдөй:

• Бишкек шаарынан жумасына төрт жолу: шейшемби, бейшемби, жума жана ишемби күндөрү аткарылат. Багыты: Бишкек → Маскат → Жидда / Медина → Маскат → Бишкек.
• Ош шаарынан жумасына эки жолу: дүйшөмбү жана шаршемби күндөрү аткарылат. Багыты: Ош → Маскат → Медина / Жидда → Маскат → Ош.

Мекеме бул авиакаттамдар Кыргызстандан Сауд Арабиясына сапар тартууну жана зыярат кылууну камсыз кылууга багытталганын билдирди.