Бактыбек Анаркулов Суу ресурстары, айыл чарба жана кайра иштетүү өнөр жайы министринин орун басары — Суу ресурстары кызматынын директору болуп дайындалды. Бул тууралуу министрликтин басма сөз кызматы билдирди.

Жаңы жетекчини мекеменин жамаатына айыл чарба министр Эрлист Акунбеков тааныштырды.

Бактыбек Анаркулов 1965-жылы Жалал-Абад облусунун Базар-Коргон районуна караштуу Кеңеш айылында туулган. Ал 1991-жылы К.И. Скрябин атындагы Кыргыз улуттук агрардык университетин «гидротехник-инженер» адистиги боюнча, ал эми 1997-жылы Ж. Баласагын атындагы Кыргыз улуттук университетин юриспруденция багытында аяктаган.

Эмгек жолунда мамлекеттик жана муниципалдык кызматтарда иштеген, Аламүдүн районунун акими кызматын аркалаган.