.svg){kind=logo}
«Манас» аэропортун реконструкциялоого 130 млн доллар сарпталатУКМК: Баткен облусунда Тажикстанга малды мыйзамсыз өткөрүү каналы аныкталдыКыргызстанда майыптыгы бар адамдарды жумушка алуудан баш тарткандар үчүн айып салуу сунушталууда — мыйзам долбоору2027-жылы Жогорку Кеңештин чыгымдары 216 млн сомго көбөйтүлөтКочкордон чыккан көмүр Бишкек ЖЭБине темир жол аркылуу биринчи жолу жеткирилдиБишкекте балдардын КРВИ оорусу боюнча телефон аркылуу кеңеш берүү кызматы ишке кирди — байланыш номурлары
Кыргызстан дүйнөлүк паспорт индексинде 73-орунду ээледи
25.07.2025 | 18:50
Кыргызстандын паспорту дүйнө рейтингинде 73-орунду ээледи. Бул тууралуу Henley & Partners компаниясы жарыялаган Дүйнөдөгү паспорттордун 2025-жылкы индексинде (The Henley Passport Index 2025) маалымдалды.
Индекстеги бул маалымат кыргызстандыктар дүйнөнүн 63 өлкөсүнө визалык чектөөсүз, эркин саякаттай алышат дегенди түшүндүрөт. 73-орунда Кыргызстан менен бирге Африканын Зимбабве жана Руанда мамлекеттери турат.
Рейтингдин сап башында Сингапур турат. Бул мамлекеттин жарандары 193 өлкөгө визасыз кире алышат. Андан кийин 2-орунда Жапония менен Түштүк Корея турат, жарандары 190 өлкөгө визалык чектөөсүз саякаттай алышат.
Ал эми коңшу өлкөлөрдүн паспорттору төмөнкү орундарды ээлешкен:
- Казахстан: 63-орун (79 өлкө);
- Өзбекстан: 74-орун (62 өлкө);
- Тажикстан: 80-орун (56 өлкө);
- Кытай: 60-орун (83 өлкө).
Рубрики: Жаңылыктар, Коом
