Кыргызстандын саламаттыкты сактоо министри Дамир Осмонов Москвага болгон жумушчу сапарынын алкагында орусиялык кесиптеши Михаил Мурашко менен жолугушту. Бул тууралуу КР Саламаттыкты сактоо министрлигинин басма сөз кызматы билдирди.

Жолугушуунун жүрүшүндө тараптар саламаттыкты сактоо тутумун өнүктүрүүнүн актуалдуу маселелерин жана эки өлкөнүн ортосундагы мындан аркы кызматташтыктын келечегин талкуулашты.

Мындан тышкары, Кыргызстандын делегациясы Орусия хирургтарынын XVII съездине катышты. Бул иш-чара Москва хирургтарынын XI конгресси менен биргеликте өтүүдө.

Иш-чаралардын алкагында Кыргызстандын өкүлдөрү хирургия тармагындагы заманбап жетишкендиктер менен таанышышты.