Кыргызстан менен Кытай биргелешип Чүй облусунда металл буюмдарын чыгаруучу завод курууну пландоодо. Бул тууралуу Соода-өнөр жай палатасынын президенти Темир Сариев билдирди.

Анын айтымында, учурда завод куруу боюнча бизнес өкүлдөрү менен сүйлөшүүлөр жүрүп жатат. Ал эми президенттин Чүй облусундагы өкүлүнүн биринчи орун басары жергиликтүү бийлик курулуш үчүн жер бөлүп берүүгө даяр экенин айткан.

Соода-өнөр жай палатасы долбоорду ишке ашыруу инвестиция тартууга, жаңы жумуш орундарын түзүүгө жана заманбап өндүрүштү ишке киргизүүгө мүмкүндүк берерин билдирди.