Кыргызстан менен Тажикстандын Финансы министрликтеринин өкүлдөрү финансы саясаты жаатында тажрыйба алмашуу жана өз ара кызматташтыкты бекемдөө боюнча жолугушуу өткөрүштү. Бул тууралуу Финансы министрилиги билдирди.

 Жолугушуунун жүрүшүндө тараптар Кыргызстандын бюджеттик мекемелеринин финансы-чарбалык ишинин борборлоштурулган бухгалтердик эсепке алуусун киргизүү, бажы процесстерин оптималдаштыруу жана санариптештирүү, салыктык эмес кирешелерди жана алардын бюджетке түшүүсүн башкаруунун натыйжалуулугун жогорулатуу боюнча консультацияларды өткөрүштү.

Ошондой эле салыктык жана бажылык башкаруу, салыктык жана бажылык башкаруу жаатында санариптик чечимдерди киргизүү, мамлекеттик финансыны  башкаруу, бюджеттештирүү боюнча тажрыйба алмашышты.