Кытай менен Борбор Азия мамлекеттеринин өз ара соодасынын көлөмү 2024-жылы 66,2 миллиард долларга жеткен. Бул көрсөткүч 2020-жылга салыштырмалуу 2,8 эсеге көп. Бул тууралуу Евразия өнүктүрүү банкы маалымдады.

Маалыматка ылайык, өз ара соодада дизбаланс бар, Кытайдан Борбор Азияга импорттолгон товарлардын көлөмү эки тараптуу сооданын 60%ын түзөт.

Кытайдын аймактагы эң ири соода өнөктөштөрүнүн сап башында Казакстан турат. Өлкөлөрдүн ортосундагы сооданын көлөмү 30,1 млрд долларга жетип, жалпы сооданын 46%ын түзгөн. Экинчи орунда Өзбекстан (27%) туруп, өз ара соода 18 млрд долларга жеткен. Андан кийин Түркмөнстан (16%) турат. Бул өлкөнүн Кытай менен болгон соода жүгүртүүсү 10,6 млрд долларга жеткен.