Кыргызстандын маданият министри Мирбек Мамбеталиев менен Түштүк Кореянын Чхонджу шаарынын мэри Ли Бом Сок мырза салттуу кол өнөрчүлүк жаатында кызматташуу жөнүндө меморандумга кол коюшту. Бул тууралуу Маданият, маалымат жана жаштар саясаты министрлиги билдирди.

Меморандумдун алкагында көргөзмөлөрдү, чебер-класстарды, тажрыйба алмашууларды жана адистер ортосунда түз байланыштарды кеңейтүү каралган.

Министрлик бул кызматташтык маданий алакаларды системдүү жана туруктуу нукка буруп, айрыкча салттуу кол өнөрчүлүк, искусство жана чыгармачылык тармагындагы өнөктөштүктү өнүктүрүүгө өбөлгө түзөрүн билдирди.