КР Каржы министрлигинде каржы министринин орун басары Нурбек Акжоловдун Жапониянын Тышкы иштер министрлигинин өлкөлөргө жардамды пландоо боюнча экинчи бөлүмүнүн директору Хиросэ Айко менен жолугушуусу болуп өттү.

Тараптар кызматташуунун жаңы беш жылдык стратегиясынын алкагында каржылоонун артыкчылыктуу багыттарын талкуулашты. Негизги темалардын катарына кадрларды даярдоо, өнөр жайды өнүктүрүү жана «Бир айыл — бир продукт» долбоорун ишке ашыруу кирди.

Жолугушуунун жыйынтыгында тараптар биргелешкен ишти улантууга жана эки тараптуу өнөктөштүктү бекемдөөгө макулдашышты.