Кыргызстанда 80 окуучу “Алтын тамга” аттестациясынан ийгиликтүү өтүп, артыкчылык аттестаттарына татыды. Бул тууралуу Билим берүү жана илим министрлигинин маалымат кызматы кабарлады.

Маалыматка караганда, сынакка 2 141 бала катышып, тесттен көбүнчө Бишкектеги мектептердин окуучулары (80 баланын 37си) өткөн. Экинчи орунда Ош (15) менен Жалал-Абад (11) облустары турат.

Буга чейин “Алтын тамга” аттестациясынан өтпөй калган айрым окуучулардын ата-энелери сынакка нааразы болуп жатканы маалымдалган.

Министрлик учурда апелляцияга арыз берип кайрылган бүтүрүүчүлөрдүн ишин техникалык комиссия кайрадан карап, толук каралып бүткөндө жыйынтык, башкача айтканда, аттестациядан өткөндөрдүн саны өзгөрүшү мүмкүн экенин эскертти.