Кыргызстанда бир нече айылдын атын өзгөртүү сунушталууда. Өкмөт даярдаган тиешелүү мыйзам долбоору Жогокру Кеңешке келип түштү.

Өкмөт Жалал-Абад, Нарын, Талас, Чүй жана Ысык-Көлдөгү айылдардын аттарын өзгөртүүнү сунуштоодо.

Ага ылайык:

– Жалал-Абаддын Аксы районунун Таштак айылын Малкалды, Ноокен районунун Параканда айылын – Баракелде;

– Нарындын Кочкор районунун Большевик айылын – Баялы Исакеев;

– Талас облусунун Бакай-Ата районунун Ынтымак айылын – Шадыкан, Манас районунун Новодонецк айылын – Айтматов, Талас районунун Козучак айылын – Жанкороз Олуя, Балбал айылын – Жаныбек Баатыр;

– Чүй облусунун Москва районунун Чоң-Арык айылын – Сыйдалы:

– Ысык-Көлдун Ак-Суу районунун Теплоключенка айылын – Ак-Суу айылы деп өзгөртүү каралган.